Gujarat Weather: હવામાન વિભાગના જણાવ્યા અનુસાર, ગુજરાત રાજ્ય, દીવ, દમણ અને દાદરા નગર હવેલીમાં આગામી સાત દિવસ સુધી વરસાદી માહોલ યથાવત્ રહેશે. કેટલાક વિસ્તારોમાં હળવાથી મધ્યમ વરસાદની સાથે સાથે અમુક સ્થળોએ ભારે વરસાદની પણ શક્યતા વ્યક્ત કરવામાં આવી છે.
આગામી 7 દિવસનું હવામાન
હવામાન વિભાગના જણાવ્યા પ્રમાણે, આજે 21 જુલાઈના રોજ ઉત્તર ગુજરાત, દક્ષિણ ગુજરાત અને સૌરાષ્ટ્ર-કચ્છના મોટાભાગના જિલ્લાઓમાં હળવાથી મધ્યમ વરસાદની સંભાવના છે. સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ, દાદરા નગર હવેલી તેમજ અમરેલી, ભાવનગર અને બોટાદ જિલ્લામાં છૂટાછવાયા સ્થળોએ ભારે વરસાદ થવાની પ્રબળ સંભાવના છે. અમદાવાદ અને આસપાસના વિસ્તારોમાં હળવાથી મધ્યમ વરસાદ અને ક્યારેક ભારે વરસાદની શક્યતા છે.
હવામાન વિભાગના જણાવ્યા પ્રમાણે, 22 થી 25 જુલાઈ દરમિયાન મોટાભાગના વિસ્તારોમાં હળવાથી મધ્યમ વરસાદ/ ગાજવીજ સાથે વરસાદ થવાની સંભાવના છે.
હવામાન વિભાગના જણાવ્યા પ્રમાણે, 25 જુલાઈના રોજ ઉત્તર અને દક્ષિણ ગુજરાતમાં હળવાથી મધ્યમ વરસાદની સંભાવના છે, જ્યારે સૌરાષ્ટ્ર-કચ્છ અને દીવમાં અમુક સ્થળોએ હળવાથી મધ્યમ વરસાદ/ ગાજવીજ સાથે વરસાદની શક્યતા છે.
હવામાન વિભાગના જણાવ્યા પ્રમાણે, 26 જુલાઈના રોજ ગુજરાતના તમામ પ્રદેશોમાં હળવાથી મધ્યમ વરસાદની શક્યતા છે. ખાસ કરીને પંચમહાલ, દાહોદ, મહીસાગર, છોટા ઉદેપુર, નર્મદા, ડાંગ, તાપી, નવસારી, વલસાડ, દમણ, દાદરા નગર હવેલી તેમજ અમરેલી અને ભાવનગર જિલ્લામાં છૂટાછવાયા સ્થળોએ ભારે વરસાદની સંભાવના છે.
હવામાન વિભાગના જણાવ્યા પ્રમાણે, 27 જુલાઈના રોજ મોટાભાગના સ્થળોએ હળવાથી મધ્યમ વરસાદની સંભાવના છે. બનાસકાંઠા, સાબરકાંઠા, અરવલ્લી, પંચમહાલ, દાહોદ, મહીસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ, દાદરા નગર હવેલી તેમજ અમરેલી, ભાવનગર, ગીર સોમનાથ અને દીવમાં છૂટાછવાયા સ્થળોએ ભારે વરસાદ થવાની પ્રબળ સંભાવના છે.
આગામી 7 દિવસ માટે હવામાન ચેતવણી
હવામાન વિભાગના જણાવ્યા પ્રમાણે, 21 થી 25 જુલાઈ દરમિયાન ઉત્તર, દક્ષિણ ગુજરાત, સૌરાષ્ટ્ર-કચ્છ અને દમણ, દાદરા નગર હવેલી તથા દીવમાં છૂટાછવાયા સ્થળોએ ગાજવીજ સાથે વીજળી અને 30-40 કિલોમીટર પ્રતિ કલાકની ઝડપે સપાટી પર પવન સાથે હળવાથી મધ્યમ વરસાદ થવાની સંભાવના છે.
