Gujarat Weather: ગુજરાત રાજ્યમાં આગામી સાત દિવસ સુધી વરસાદી માહોલ યથાવત રહેશે. ભારત મોસમ વિજ્ઞાન વિભાગ (IMD), અમદાવાદ દ્વારા 22 જુલાઈ, 2025 ના રોજ બપોરે 12:00 કલાકે જારી કરાયેલા હવામાન બુલેટિન અનુસાર, દીવ, દમણ અને દાદરા નગર હવેલી સહિત ગુજરાતના કેટલાક વિસ્તારોમાં ભારેથી અતિભારે વરસાદ અને ગાજવીજ સાથે 30-40 કિલોમીટર પ્રતિ કલાકની ઝડપે સપાટી પર પવન ફૂંકાવાની પણ આગાહી કરવામાં આવી છે.
હવામાન વિભાગની આગાહી પ્રમાણે 22 જુલાઈ અને 23 જુલાઈના રોજ ઉત્તર અને દક્ષિણ ગુજરાતના તમામ જિલ્લાઓ (દમણ, દાદરા નગર હવેલી સહિત) તેમજ સૌરાષ્ટ્ર-કચ્છના તમામ જિલ્લાઓમાં (દીવ સહિત) હળવાથી મધ્યમ વરસાદ/ગાજવીજ સાથે વરસાદ થવાની સંભાવના છે. સુરત, ડાંગ, તાપી, નવસારી, વલસાડ, દમણ, દાદરા નગર હવેલી (ગુજરાત પ્રદેશ) અને પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ અને દીવ (સૌરાષ્ટ્ર-કચ્છ) જિલ્લાઓમાં ભારે વરસાદની શક્યતા છે. આ ઉપરાંત, છૂટાછવાયા સ્થળોએ ગાજવીજ અને વીજળી સાથે 30-40 કિલોમીટર પ્રતિ કલાકની ઝડપે સપાટી પર પવન ફૂંકાઈ શકે છે.
હવામાન વિભાગની આગાહી પ્રમાણે 24 જુલાઈ અને 25 જુલાઈના રોજ ગુજરાત, સૌરાષ્ટ્ર-કચ્છ અને કેન્દ્રશાસિત પ્રદેશોના મોટાભાગના વિસ્તારોમાં હળવાથી મધ્યમ વરસાદ/ગાજવીજ સાથે વરસાદની શક્યતા છે. છૂટાછવાયા સ્થળોએ ગાજવીજ અને વીજળી સાથે 30-40 કિલોમીટર પ્રતિ કલાકની ઝડપે પવન ફૂંકાઈ શકે છે.
હવામાન વિભાગની આગાહી પ્રમાણે 26 જુલાઈના રોજ ઉત્તર અને દક્ષિણ ગુજરાતના તમામ જિલ્લાઓ (દમણ, દાદરા નગર હવેલી સહિત) તેમજ સૌરાષ્ટ્ર-કચ્છના તમામ જિલ્લાઓમાં (દીવ સહિત) હળવાથી મધ્યમ વરસાદ/ગાજવીજ સાથે વરસાદની પ્રબળ સંભાવના છે. નવસારી, વલસાડ, દમણ અને દાદરા નગર હવેલી (ગુજરાત પ્રદેશ) જિલ્લાઓમાં છૂટાછવાયા સ્થળોએ ભારે વરસાદની શક્યતા છે. ગાજવીજ અને વીજળી સાથે 30-40 કિલોમીટર પ્રતિ કલાકની ઝડપે પવન ફૂંકાઈ શકે છે.
હવામાન વિભાગની આગાહી પ્રમાણે 27 જુલાઈના રોજ ઉત્તર, દક્ષિણ ગુજરાત અને સૌરાષ્ટ્ર-કચ્છના મોટાભાગના વિસ્તારોમાં હળવાથી મધ્યમ વરસાદ/ગાજવીજ સાથે વરસાદ થવાની સંભાવના છે. પંચમહાલ, દાહોદ, મહીસાગર, છોટા ઉદેપુર, નર્મદા, ડાંગ, તાપી, નવસારી, વલસાડ, દમણ, દાદરા નગર હવેલી (ગુજરાત પ્રદેશ) અને અમરેલી, ભાવનગર (સૌરાષ્ટ્ર-કચ્છ) જિલ્લાઓમાં છૂટાછવાયા સ્થળોએ ભારે વરસાદની શક્યતા છે.
હવામાન વિભાગની આગાહી પ્રમાણે 28 અને 29 જુલાઈના રોજ ઉત્તર, દક્ષિણ ગુજરાત અને સૌરાષ્ટ્ર-કચ્છના મોટાભાગના સ્થળોએ હળવાથી મધ્યમ વરસાદ/ગાજવીજ સાથે વરસાદ થવાની પ્રબળ સંભાવના છે.
