Pahalgam Terror Attack: પહલગામ હુમલામાં ચોંકાવનારો ખુલાસો: 1થી 7 એપ્રિલ દરમિયાન આતંકવાદીઓએ કરી હતી રેકી, 26 પર્યટકોની હત્યા, મૃતકોની સંપૂર્ણ વિગતો

Pahalgam Terror Attack Updates: જમ્મુ-કાશ્મીરના પહેલગામમાં મંગળવારના રોજ થયેલા આતંકવાદી હુમલા અંગે એક ચોંકાવનારો ખુલાસો થયો છે. માહિતી મળી રહી છે કે, આ હુમલાને અંજામ આપતા પહેલા આતંકવાદીઓએ વિસ્તારની રેકી કરી હતી. આ હુમલામાં કુલ છ આતંકવાદીઓ સામેલ હતા.

સૂત્રોના જણાવ્યા અનુસાર, હુમલાખોરોએ 1 એપ્રિલથી 7 એપ્રિલ દરમિયાન પહેલગામ વિસ્તારની સંપૂર્ણ રેકી કરી હતી. તેઓએ સંભવિત લક્ષ્યો અને હુમલાના સ્થળોની માહિતી એકત્રિત કરી હતી. સુરક્ષા દળોને ઘટના સ્થળથી થોડે દૂર નંબર વગરની એક મોટરસાઇકલ મળી આવી છે. માનવામાં આવી રહ્યું છે કે, આ મોટરસાઇકલનો ઉપયોગ આતંકવાદીઓએ હુમલા માટે કર્યો હોઈ શકે છે. ગુપ્તચર સૂત્રોએ વધુમાં જણાવ્યું કે, આ હુમલાનું કાવતરું આતંકવાદી સંગઠન TRF (ધ રેઝિસ્ટન્સ ફ્રન્ટ)ના કમાન્ડર સૈફુલ્લાહે ઘડ્યું હતું.

આતંકવાદી હુમલામાં માર્યા ગયેલા લોકો