How To Update Mobile Number in Aadhaar Card: તમે તમારા આધાર કાર્ડ (Aadhaar Card)માં ઘરે બેઠા મોબાઇલ નંબર ઓનલાઇન અપડેટ કરવા માંગો છો? તો જણાવી દઈએ કે, આ પ્રક્રિયા તમે ઘરે બેઠા કરી શકતા નથી. આ પ્રોસેસને પૂર્ણ કરવા માટે તમારે આધાર નોંધણી કેન્દ્ર પર જવું પડશે. ત્યારે ગુજ્જુ ભૂમિના આ લેખમાં, જાણો આધાર કાર્ડમાં મોબાઇલ નંબર અપડેટ કરવાની સ્ટેપ-બાય-સ્ટેપ સમગ્ર પ્રક્રિયા.
આધાર કાર્ડમાં મોબાઇલ નંબર અપડેટ કરવાની સમગ્ર પ્રક્રિયા
- સૌ પ્રથમ તમારે નજીકના આધાર સેવા કેન્દ્ર પર જવું પડશે.
- તમે UIDAI વેબસાઇટ (https://appointments.uidai.gov.in/easearch.aspx) ની મુલાકાત લઈને તમારા નજીકના આધાર કેન્દ્રને શોધી શકો છો.
- આધાર સેવા કેન્દ્ર પર જઈને આધાર અપડેટ/સુધારણા ફોર્મ ભરો.
- આ ફોર્મમાં તમારો નવો મોબાઇલ નંબર દાખલ કરો.
- આ ફોર્મ સાથે તમારું આધાર કાર્ડ અને મતદાર ID અથવા પાસપોર્ટ વગેરે જેવા અન્ય ઓળખ કાર્ડ સબમિટ કરો.
- અહીં તમારું બાયોમેટ્રિક વેરિફિકેશન કરવામાં આવશે.
- આમાં ફિંગરપ્રિન્ટ અને આઇરિસ સ્કેન શામેલ હોઈ શકે છે.
- હવે મોબાઇલ નંબર અપડેટ કરવા માટે, તમારે ફી ચૂકવવી પડશે, જેના માટે તમને એક સ્લિપ મળશે.
- આ રીતે તમારો નવો નંબર અપડેટ થશે.
ઓનલાઈન પ્રોસેસ
- સૌ પ્રથમ https://myaadhaar.uidai.gov.in/ પર જાઓ.
- હોમ પેજ પર Book an Appointment પર ક્લિક કરો.
- હવે તમારો વિસ્તાર પસંદ કરીને Proceed to book appointment પર ક્લિક કરો.
- હવે Aadhaar Update ઓપ્શનમાં મોબાઇલ નંબર અને કેપ્ચા કોડ દાખલ કરો અને Generate OTP પર ક્લિક કરો.
- હવે એપોઇન્ટમેન્ટ વિગતો ભરો અને નેક્સ્ટ બટન પર ક્લિક કરો.
- આગલા પેજ પર, તમારે પર્સનલ જાણકારી આપવાની રહેશે.
- હવે મોબાઇલ નંબર ઓપ્શન પર ટિક કરો અને Next બટન પર ક્લિક કરો.
- આગલા પેજ પર, તમારે દિવસ અને તારીખ પસંદ કરવી પડશે.
- હવે તમને એક રસીદ મળશે, જેમાં બધી જાણકારી હશે.
- તમારે આ રસીદ નિર્ધારિત તારીખે આધાર કેન્દ્ર પર બતાવવાની રહેશે.
- આ રીતે, ઓનલાઈન એપોઇન્ટમેન્ટ બુક કરીને, તમે આધાર કેન્દ્ર પર તમારો મોબાઇલ નંબર અપડેટ કરી શકો છો.
