Milk Price Hike in Gujarat: ગુજરાત સ્થાપના દિવસની ઉજવણી વચ્ચે સામાન્ય માણસને મોંઘવારીનો વધુ એક ઝટકો લાગ્યો છે. અમૂલ બ્રાન્ડ હેઠળ વેચાતા દૂધના ભાવમાં 1લી મેથી પ્રતિ લીટર ₹2નો વધારો કરવામાં આવ્યો છે. આ ભાવ વધારો સમગ્ર ગુજરાત અને અન્ય રાજ્યોમાં અમૂલના તમામ દૂધ ઉત્પાદનો પર લાગુ થશે.
સાબરડેરીના સૂત્રો દ્વારા પ્રાપ્ત માહિતી અનુસાર, અમૂલ ગોલ્ડના 500 મિલીલીટરના પાઉચનો ભાવ હવે ₹33થી વધીને ₹34 થયો છે. જ્યારે અમૂલ શક્તિ હવે ₹30ના બદલે ₹31માં મળશે.
અન્ય દૂધના ભાવમાં પણ વધારો જોવા મળ્યો છે. 1 લીટર અમૂલ ટી-સ્પેશિયલ પાઉચ હવે ₹63માં ઉપલબ્ધ થશે. અમૂલ તાજા દૂધનો 500 મિલીલીટરનો પાઉચ હવે ₹28માં મળશે. ભેંસના દૂધના ભાવમાં પણ ₹1નો વધારો કરવામાં આવ્યો છે, જે મુજબ 500 મિલીલીટરનું પાઉચ હવે ₹36ને બદલે ₹37માં વેચાશે.
નવા ભાવનું લિસ્ટ:
| દૂધનો પ્રકાર | પેક સાઈઝ | જૂનો ભાવ (Rs.) | નવો ભાવ (Rs.) |
| અમૂલ સ્ટાન્ડર્ડ દૂધ | 500 ml | 30 | 31 |
| અમૂલ ભેંસનું દૂધ | 500 ml | 36 | 39 |
| અમૂલ ગોલ્ડ દૂધ | 500 ml | 33 | 34 |
| અમૂલ ગોલ્ડ દૂધ | 1 litre | 65 | 67 |
| અમૂલ ડી.ટી. દૂધ (સ્લીમ અને ટીમ) | 500 ml | 24 | 25 |
| અમૂલ ટી-સ્પેશિયલ દૂધ | 500 ml | 31 | 32 |
| અમૂલ ટી-સ્પેશિયલ દૂધ | 1 litre | 61 | 63 |
| અમૂલ તાઝા દૂધ | 500 ml | 27 | 28 |
| અમૂલ તાઝા દૂધ | 1 litre | 53 | 55 |
| અમૂલ ગાયનું દૂધ | 500 ml | 28 | 29 |
